朋友分享的男女大不同~骨肉不用爭，因為你們需要的是........

>>之前已說報了上堂，原來是查「創世紀」。
前幾日講有關神造阿當和夏娃。
當然是有關骨中之骨肉中之肉。
昨天就看到去了星加坡的友人Johnson分享，說是他在車上聽到的，在此與大家分享。


好好笑的溝通遊戲（Part I）：

女：我同事讓個九月大假出來。
男：下，咁其實六月仲去唔去旅行？我剛剛才向HR 申請到6月個幾日假，妳唔去我就取消個幾日假啊。
女：唔係，我只不過放少一個星期調去之後放姐，無影響ga。
男：咁即係妳會放邊幾日假？
女：唔係，都會去到，我只不過打算係調走一個星期去九月咁九月個大假可以長D姐。
男：咁其實即係邊幾日妳會放？
女：其實無影響ga，你照羅果幾日假咪得囉。
男：妳可唔可以話比我聽即係由幾時放到幾時？
女：唔係...
男：hey hey hey hey 唔好唔係住，我只不過係想知即係邊日至邊日，等我好預 D。
女：其實真係無影響。
男：其實妳可唔可以真係話比我知 exactly 妳邊日放姐?
女：3號囉。
男：咁幾多號放完？
女：放一個星期。
男：咁即係幾多號啊．．
女：10號囉。
男：噢。咁我可以照羅6號至10號既AL。

錄到音就正喇！！！

好好笑的溝通遊戲（Part II）：
（承接 Part I）
男：既然定左邊幾日假咁就買得機票。
女：仲未得住。
男：o下，點解？
女：因為仲未 firm 實六月個假調唔調到。
男：o下，又話同事肯同妳調既？而家仲唔買機票再遲D買好貴 gor bor。
女：唔係，只不過係9月同11月對調je。
男：o下，咁幾時知道調唔調得到？
女：o下，無咁快 gor bor。
男：o下，咁大概可以幾時知？
女：無咁快gor bor。
男：咁大概呢?
女：呢個禮拜都應該唔得，都未找到人來調。
男：咁幾時先可以知道啊？？
女：應該下個禮拜一二到會知。
男：OK。

待續（最終回）

好好笑的溝通遊戲（Part III - 最終回）：
（承接 Part II）
男：mmm，其實妳唔係已經係個幾月前已經找人調話調唔到咩？
女：咁而家剛剛有同事突然話得嘛！
男：呢樣我知，但點解而家同事話可以同妳調都仲未 firm 得？
女：你根本完全唔明白我講緊乜。我都話我想六月放少一個星期調去九月放咁咪可以有長 D 假期可以去澳洲囉。
男：係，我明白點解妳想調假，我唔係問緊妳調假既原因，而係點解同事可以調比妳都仲未 firm 得，我只係想知呢樣姐，係咪要等老細 approve？
女：唔係！究竟你明唔明我講咩ga？
男：唔係，其實我只係想知點解有人肯同妳調但妳仲話要找人來同妳調。
女：都話係十一月同九月對調 lor！
男：o下，咁即係點？
女：即係個同事係將9月個假同我11月個假對調，咁六月咪未 firm 到囉！
男：噢，妳既意思即係因為妳只不過係拿11月來換人地既9月，所以6月其實仲未找到人調。
女：係呀！
男：咁仲找唔找到人肯同妳調6月ga，差唔多就係gor bor。
女：未知呀，所以咪話要再找人調囉。

完

>>我同朋友在fb說，其實兩人都無問題，只是大家想說的不同，一個要結果另一個想講中間過程。
咩原因結果都好，其實兩性之間本來就是金星和火星，骨和肉之分。
但骨和肉是同一身體，是分不開。
同時，骨和肉是需要靠血管在中間，才可以生存。
當然，這血自然是我們的主。
也因為靠著這血，骨和肉才可以串連起來，否則兩者不能各自為生。
沒有袮，人多可憐和孤獨。
>>其實這不單是戀人，人與人之間相處也一樣。
沒有袮，骨和肉互相攻擊，又如何可以生存下去。
>>願世人都珍惜身體，認識骨和血的重要性。
溝通原因，就是因為骨和肉構造本就是不一樣，要認識對方才可以活下去。
是的，骨與肉本是一體，本來就是不同，互相認識珍惜啊!
阿門~