我要幫個病改為:「無定向喪心病狂間歇性全身機能失調症之多發性硬發症」~

>>其實呢個「無定向喪心病狂間歇性全身機能失調症」，當然來自周星馳經典電影《家有喜事》。
昨天無啦啦情緒低落又無啦啦開始視線變差，仲要有氣無力。
此時此刻，只有想起周星馳呢個名句。
唉~
真係玩到謝!
主耶穌，借問聲是否此原因，過去幾年做咩撞咩。
真係撞到呯呯聲。
是否為此，怕我失驚無神睇唔到野又或情緒低落又或突然四處撞。
故，才不讓我四處起火頭。
但主啊~
又讓我知道自己並非一無是處，又不是沒有想法與能力。
那，我點算好?!
一係咩都唔做?
一係給我路行?
但又讓我想，是否未向袮跪下，只用自己的能力而結果如此?
我唔聰明，煩請直接告訴我。
唉~
這兩天棉醫師小說找到封面方向?
又或是發行的路線?
我唔聰明，加上這幾日的「無定向喪心病狂間歇性全身機能失調」，正好顯示我的無奈。
主啊，可否讓我明白前路?
>>各位，呢個「無定向喪心病狂間歇性全身機能失調症」真係好好陳述此病的情況。
唔係傷風感冒，你見到打噴嚏咳都知病。
亦唔係病到卧床不起，好人好姐點令人相信你有病。
但我真係有病，雖然等緊確診，基本上我都認為自己係呢隻病。
雖然我無輕挑亦無喪心病狂，但單睇個名真係好好去形容:「多發性硬發症」。
麻煩晒，唔好以為我會有好記性，於是今個星期才係北角宣道會60周年，但我前個星期就走了去機場一轉，去到見到空蕩蕩，嚇得我腳都震。
望一望張飛先知原來係今個星期?
巧合?
然後約了細佬今天食飯，致電給他卻收到唔係昨日咩?
唉~
真係難過口架!
唔明既人以為你唔肯去記，你估腦唔聽駛，好好玩咩。
於是，自救方法是將要去的時間地點傳SMS給自己。
但唔代表唔會錯，只可以盡力而為。
唉~「無定向喪心病狂間歇性全身機能失調症之多發性硬發症」，麻煩早D確診，真係唔想咁樣。
但主，我仲可以點樣。
>>幸好昨天沒記錯是去看戲。
雖然去到話無戲睇，白走一趟。
起碼唔關我事。
唉~