改編自風靡海峽兩岸、香港著名作家李碧華《夜》系列原著小說，集合本地台前幕後最強金像班底，
將會分成《迷離夜》及《奇幻夜》分兩集推出，第一集《迷離夜》率先在7月11日上映，近日網上流傳一段盧海鵬和邵音音的對手戲，片中兩人不斷爆粗，怒X「梁震嬰」！
電影《迷離夜》由三個單元故事組成，由陳果執導的單元中，盧海鵬飾演一個江湖大佬，專程前往銅鑼灣鵝頸橋，
找邵音音飾演的婆婆幫忙打小人。邵音音先叫他寫下自己名字，一看原來是「梁震嬰」，忍唔住爆笑！
盧海鵬即時尷尬回應：「咪咁大聲啦，唏！鬼叫個X樣同我同名同姓咩？」
之後二人繼續意有所指，強力抽水——
邵：「你（指梁震嬰）搵咁多錢做乜X野呀？」
盧：「咁你搵咁多錢又做乜X野呢？」
邵：「我幫你消災嘛！」
盧：「我幫香港消災嘛！」
邵：「消你老母呀！哈哈哈哈！」
導演陳果：香港有創作自由！
根據李碧華的原著小說，盧海鵬飾演的角色只是一個江湖大佬，並沒有特別註明叫「梁震嬰」；完全是導演陳果在拍攝現場，突然加上的神來之筆。
他表示：「當時我們在銅鑼灣鵝頸橋拍攝，見到鵬哥真人好過癮，又想為電影加添一些時代氣息，於是貪得意加上『梁震嬰』。」
若然現實生活中的大人物一時諗唔開，對號入座，甚至採取進一步行動，會否擔心後果？
陳果斬釘截鐵地表示：「其他人唔知，我自己就完全冇驚過。香港跟內地巿場唔同，就係我地擁有創作自由，甚麼題材都可以拍，可以講。
《迷離夜》是一部100%香港人電影，身為導演，唔可以??自我審查，未打先縮。若果玩?都唔得，或者咁都玩唔起，我會覺得『唔係呀話？』
因為身為政治人物，最緊要有胸襟！」
原作者李碧華：放棄大陸巿場，就是拒絕妥協！
原作者李碧華亦非常支持，寧願放棄龐大的內地巿場，亦不願意向現實妥協。
她在專欄中表示：「中國大陸禁拍的題材很多… 最忌諱的top 3，是（一）鬼、（二）雞、（三）毒。很好笑，這三樣，基本上全國氾濫。」
最後李碧華表明立場，表示《迷離夜》和《奇幻夜》兩部電影，打從一開始就是拍給香港人看的港產鬼片，絕不會覬覦內地巿場：
「如果不願意妥協，不肯依照當局的想法改、改、改，按既定方針改、改、改，只有一條路可走，就是放棄大陸巿場，很簡單。」
迷離夜 上映日期：上映中
奇幻夜 上映日期： 2013年8月8日
盧海鵬、邵音音片段：http://youtu.be/Bb-4afrzHd4
沒有留言:
張貼留言