鄭伊健擔任「亞洲遊戲展2012」大使

>>因為之前所有SONY NEWS都上唔到，希望這篇好運~

一年一度，東南亞最大型遊戲展覽「亞洲遊戲展2012」即將於今年聖誕節前夕12月21日至24日於灣仔會展舉行。今年大會邀請藝人兼著名機迷鄭伊健擔任「亞洲遊戲展2012」大使，出席於荷里活廣場舉行的「亞洲遊戲展2012揭幕禮」。伊健於活動上首次大談擔任代言人的感想，並與小粉絲試玩PS3體感遊戲《Sports Champions 2》的滑雪遊戲。期間伊健透露將於12月21日預言世界末日當日，出席灣仔會展舉行的「亞洲遊戲展」活動，粉碎之前盛傳伊健將當日舉行婚禮的傳聞。屆時伊健將會與全港機迷一同提早預祝聖誕節，並即場與早前選拔賽的幸運機迷即場比賽PlayStation遊戲。

對於首次擔任代言人，伊健表示：「其實個個都知我鐘意打機，但一路都無人搵我做『亞洲遊戲展』代言人，我每次都想出現架，可能我之前提過12月21日末日啲嘢，今年遊戲展又係12月21日開始，時間好吻合。」(咁你信唔信21號係世界末日？)「世界遲早都會末日架喎，我諗最重要都係做好工作，同享受自己嘅興趣，例如打機。」伊健更表示如果真有末日，最重要和朋友一起過。期間大會找來伊健的小粉絲，只有9歲的Marcus和伊健試玩遊戲，台上司儀問有「小伊健」之稱的Marcus鍾意伊健的原因，他笑指：「我鍾意佢靚仔、拍啲戲好睇、同埋女朋友好靚！」引得伊健忍不住大笑。

活動後伊健被問及聖誕節會如何渡過，他笑指：「我唔鍾意食聖誕大餐，但出面無乜嘢食好揀，自己煮會好啲。(咁會唔會喺屋企煮？) 我同佢(Yoyo)煮嘢食都麻麻，林珊珊有個男朋友煮得好好，可能搵佢煮比我哋食。」對於好友錢嘉樂三喜臨門(結婚、升格人父及奪金馬獎)，伊健表示已即時恭喜對方，更表示大家又有藉口約食飯慶祝！

「亞洲遊戲展」
創辦於2002年，於灣仔會議展覽中心舉行的「亞洲遊戲展」，每年吸引數十萬計的市民參觀，作為亞洲地區其中一個最大型、搜羅最多、最新及最吸引電玩遊戲的消費展覽會，參觀者可免費試玩最新甚至尚未推出的遊戲。今年「亞洲遊戲展」將於12月21日至24日一連四日於灣仔會展中心舉行。

早前大會於網上舉行「競猜遊戲展代言人」活動，圖片所見，伊健以手遮面，不少網友看到這招牌動作都猜測代言人是周杰倫，其他熱門人選還包括古天樂、陳偉霆，連鄭子誠都榜上有名！女友蒙嘉慧亦於新浪微博上分享相片。當揭曉代言人鄭伊健時，網友都表現興奮，力讚伊健是歷年「亞洲遊戲展」的最佳大使。

曾演活無數漫畫人物角色的伊健，眾所周知熱愛打機，但原來他從未擔任過「亞洲遊戲展」代言人。平日喜歡玩射擊遊戲的伊健，間中會相約朋友網上對戰，女友蒙嘉慧更認為他喜歡分析遊戲多於玩遊戲，是個不折不扣的「遊戲分析員」。由於工作關係，近年偏好玩手提遊戲機，最近常以手提遊戲機PS Vita消磨時間。

「亞洲遊戲展」歷屆代言人
年份 「亞洲遊戲展」大使 年份 「亞洲遊戲展」大使
2012 鄭伊健
2011 Twins 2010 陳冠希
2009 容祖兒 2005 古巨基
2008 楊千嬅 2004 陳慧琳
2007 何韻詩 + 鄭秀文 2003 陳慧琳
2006 郭富城 2002 鄭秀文