《超級無敵羊咩咩之咩最勁！》2015有賀歲片

英國神級動畫工作室

繼《超級無敵掌門狗》《咪走雞》

2015有賀歲片《超級無敵羊咩咩之咩最勁！》

國際版前哨海報及首張劇照矚目曝光

 

英國神級動畫工作室Aardman Studio，繼瘋魔全球的《超級無敵掌門狗》、《咪走雞》，明年2月將推出新作《超級無敵羊咩咩之咩最勁！》(SHAUN THE SHEEP MOVIE) 賀大家羊年行大運！*現附上國際版前哨海報及首張「羊咩出城」劇照，供大家參考使用！

 

Aardman Studio (阿德曼動畫工作室)，位於英國西南部，是一間專門製作泥膠、定格動畫最頂尖的工作室，他們製作的動畫電視短片系列及電影一向都深受全球大人細路的歡迎。曾經在港上映的作品有《超級無敵掌門狗1 & 2》(WALLACE & GROMIT I & II)、《咪走雞》(CHICKEN RUN)及《沖出水世界》(FLUSHED AWAY) 等，套套大賣！雖然近年他們的電影沒有在港上映，但周邊商品效應讓港人仍然非常喜愛Aardman Studio創造的動畫人物。今次《超級無敵羊咩咩之咩最勁！》裡的趣緻可愛嘅羊咩咩角色，有望掀起又一熱潮！

 

《超級無敵羊咩咩之咩最勁！》先行預告 1：http://youtu.be/xnUKQww9IPM

《超級無敵羊咩咩之咩最勁！》先行預告2：http://youtu.be/KIXT7Qp490w

 

故事大綱：

英國神級動畫工作室繼瘋魔全球的《超級無敵掌門狗》及《咪走雞》後，爆製《超級無敵羊咩咩之咩最勁！》，2015年羊相盡出賀新年！喺英國一個鄉村農場裡面，羊咩咩阿爽唔願開工，竟然誤打誤撞，將熟睡中嘅農夫錯送入城。阿爽為咗營救主人，鼓起勇氣第一次衝出農場！不過阿爽羊生路不熟，仲要照顧幾隻傻更更跟埋上車嘅羊咩咩，加上無比兇狠嘅獵羊人步步進迫，誓要將羊咩咩生擒做點心…鬼馬嘅阿爽同羊咩仔女扮成人類，展開一場羊咩出城大冒險！過年咩最勁？梗係由呢班趣緻可愛嘅羊咩咩，陪你笑到趴地過羊年先至夠勁啦… 唔係「咩」呀！