>>即係估你唔到!!
你以為係老土又哦?
唔係，個阿絲最後另有選擇，但非常現實，一型師奶面對比有錢既媽媽威脅，咁都同佢地戰鬥?此片講了正常父母都做既事。
你點對我都唔重要，但你蝦我兒女就勢係假，難怪世界各地大收。
真係絕無冷場，女生一定要睇。
小鮮肉又如何?
邊個都唔及我自己親生。
係咪好到肉?
亦是呢代為人阿媽身的難~
你估真係想做虎媽?
有得選邊個想日日忙到暈，仲要照顧埋似個仔多個似老公既丈夫。
係現實到讓一眾現代母親要睇電影。
亦提大家，早婚未必好。
>>完場咪走住，一眾演員既阿媽都粉墨登場。
係咯，仲有戴安姬頓親自上陣。
就算靚星都一樣要為兒女煩，所以早做阿媽都一樣要捱。你明既。
美國票房勁破7億 影評激讚爆笑必睇
女星齊撐《C奶同學會》靚人靚媽大派對
《PARTY冇限耆》監製、《醉爆伴郎團》編劇，
《PARTY冇限耆》《醉爆伴郎團》賣座班底爆笑喜劇
史上最賣座限制級喜劇、橫掃全球票房14億美元嘅《醉爆伴郎團》（The Hangover）系列搞鬼編劇拍檔鍾魯卡斯（Jon Lucas）同史葛摩亞（Scott Moore），一連三集玩完伴郎團後，終於重出江湖，響應《PARTY冇限耆》爆笑監製號召，為靚太C奶解開種種束縛，等佢哋可以喪玩特玩，嚟一個自由大解放！
靚太壓力爆煲 破戒大解放
婚姻美滿、仔女聽教聽話、樣靚身材正、事業有成……乜做一個成功嘅靚太要符合咁多條件？唔怪得呢班靚太壓力爆煲，要徹底發洩下！今次嘅「靚太」陣容鼎盛，包括《黑天鵝》（Black Swan）金球提名性感女星米娜古妮絲（Mila Kunis）、《羅馬假期》（When In Rome）人氣女星姬絲汀貝兒（Kristen Bell）、《親子樂膠遊》（Vacation）爆笑女星姬絲汀娜艾普姬（Christina Applegate）、《發夢王大歷險》（The Secret Life of Walter Mitty）女星嘉芙蓮漢恩（Kathryn Hahn）、韋史密夫（Will Smith）太座珍達娉琦史密夫（Jada Pinkett Smith）等等，勢必演活充滿笑聲、汗水與淚水的C奶非人生活？﹗此外，《自殺特攻：超能暴隊》（Suicide Squad）噴火型男傑賀蘭德斯（Jay Hernandez）亦放低粗暴，變身成為靚仔有型嘅湊仔男神，準備俘虜全球靚太嘅心。
全能靚太反全能 家教女王續嚴苛 九月 家教會選舉大對決
其他家長眼中嘅全能媽咪亞美（米娜古妮絲 飾），自己知自己事，成日畀公司腦細同學校家長會搞到氹氹轉，兩邊不討好。忍無可忍之下，亞美決定同「完美媽咪」身份講拜拜。兩位志同道合嘅宅女師奶奇奇（姬絲汀貝兒 飾）、爆粗大媽卡拉（嘉芙蓮漢恩 飾），亦加入「曳曳媽」行列，更擁戴亞美角逐新一屆家長會主席，挑戰規矩多多、勁玩杯葛嘅女王桂蓮（姬絲汀娜艾普姬 飾）同埋佢嘅跟班史黛絲（珍達娉琦史密夫 飾）。兩大靚太陣營對決，你嘅一票又會投畀邊個？
美國開畫票房標青 影評大讚情理兼備 爆笑必睇！
電影於美國一開畫就大發雌威，票房勁收旺場，首兩星期均躋身票房榜三甲位置。目前電影仍在美國上映，第三周票房仍然高開，創造了勁收逾七千萬美元的亮麗佳績！觀眾大讚故事爆笑入肉、夠晒貼身之餘；就連《紐約時報》（NewYorkTimes）、《綜藝雜誌》（Variety）、《Entertainment Weekly》及《Hollywood Reporter》等一眾權威傳媒亦大力推介
。
「反映現代女性壓力過大、工作過勞、對一切要求過高……片中笑料道盡靚太心聲」
──VARIETY
「最大驚喜並非來自表面的笑料……而是骨子裡的真實感及時代氣息；
絕對是本年度最爆笑的喜劇」
──ENTERTAINMENT WEEKLY
「今個夏天悶戲連場，呢套令人喪笑透心涼。趣趣哋、甜甜哋、鬼馬得嚟冇亂嚟」
──THE HOLLYWOOD REPORTER
「以搞笑形式向現代靚太靚媽致敬。《C奶同學會》充滿妙趣，幾位主角演來入型入格」
──SCREEN DAILY (SCREEN INTERNATIONAL)
「好玩、佻皮，笑中又帶有感觸……」
──THE NEW YORK TIMES
「靚太笑料一籮籮，活潑性感又傻氣」
──THE NEW YORK DAILY NEWS
「幾個C奶嘅友情故事，但估唔到咁抵死好笑」
──THE LOS ANGELES TIMES
「令觀眾笑住離場。睇完班靚太嘅開心結局，出字幕時仲有好感動嘅片段，
係俾全天下靚媽嘅讚頌，大家一齊笑吓啦！」
──US WEEKLY
「以嬉笑形式為女性發洩不滿的喜劇」
──FILM JOURNAL INTERNATIONAL
「今個夏天最正嘅喜劇！千祈咪得罪C奶呀！」
──Dish Nation-FOX TV
「充滿睿智，開心又感性的喜劇」
──NEWSDAY
男女觀眾均好評如潮
雖然片名叫《C奶同學會》，但電影不只是只拍給C奶看的。本片在美國叫好叫座，除了女性觀眾一致讚好外，無數男性觀眾亦看得津津有味，給予好評。他們都大讚電影搞笑過癮，選角出色，而且更具有啟發性，是本年度必看的爆笑喜劇。以下一起看看兩性觀眾怎樣評價。
男性觀眾：
「好正！甜得嚟又具啟發性！好抵死！好似喺衣帽間聽緊啲女仔傾偈咁。」
「以為只係一部普通笑片，點知睇得咁過癮。啲有味笑話好得！」
「我同個friend笑到肚痛，睇完急不及待要話畀其他friend知呢套係必睇！」
「套片真係好講到媽媽點樣關心仔女。笑料一籮籮！」
「嘉芙蓮漢恩好搶眼，冇諗過睇完會咁鍾意。」
女性觀眾：
「認真爆笑！循規蹈矩嘅人真係要醒下！講真我到而家都仲笑緊，一定帶我啲女仔friend去睇。」
「我好鍾意套片，好耐冇笑到咁癲！全部女角都好新鮮好搞笑，尤其是嘉芙蓮漢恩嘅每句對白都令我笑破肚皮。絕對啱晒girls’ night睇。」
「嘉芙蓮漢恩嘅演出真係年度最搞笑之一。」
「所有角色都好有趣，唔完美但相當寫實。」
「搞笑過癮又有智慧。嘉芙蓮漢恩搶晒鏡。我好鍾意片尾嘅媽媽訪問。」
第３章：來屆家教會選舉候選人資料
兩大候選C奶陣營兼湊仔男神簡介
| |
候選人:亞美（米娜古妮絲飾）
別人眼中嘅全能媽咪，好錫仔女，但公務纏身，老公又出軌，家務湊仔樣樣都一腳踢，身心疲累到極點。一次家教會令佢醒覺唔一定要做完美媽咪，卻惹來主席桂蓮反感，仲耍手段玩殘佢個女。亞美忍無可忍之下，決定挑機，參選來年家教會主席。
|
候選人:桂蓮（姬絲汀娜艾普姬飾）
學校嘅完美靚媽代表；六屆家教會主席，掌管學校嘅大小課外活動，受人敬畏。自以為是，為家長訂立極多規矩，但無人夠膽反抗。開頭對幾位曳曳媽不屑一顧，後尾感到威脅，卻暗中耍手段打擊亞美。
|
奇奇（姬絲汀貝兒飾）
家有4個細路嘅傳統全職Ｃ奶，宅到冇朋友，生活只有洗衫、買餸、煮飯、湊仔，完全冇私人時間，但任勞任怨，唔敢同老公say no。喺一次家教會中受亞美啟發，加入曳曳媽行列。
|
史黛絲（珍達娉琦史密夫飾）
桂蓮嘅跟班，偽完美主義者，以為自己就係完美靚媽，高高在上。每朝都同桂蓮同肥琪企喺校門，表面上同各位媽咪友善打招呼，實際上喺背後對人評頭品足。
|
卡拉（嘉芙蓮漢恩飾）
任職水療中心嘅單親媽媽，成日周街挑逗男人，被其他家長鄙視，本身已是半個曳曳媽。因一次喺酒吧嘅偶遇，認識亞美同奇奇，成為曳曳媽陣營一員，落力幫亞美助選，大搞解放靚媽派對。
|
肥琪（安妮馬慕露飾）
同樣係桂蓮跟班，但反應遲鈍過人，經常畀人窒，仲成日執人口水尾，人云亦云，冇啲主見。雖然身在曹營，但有時卻對亞美嘅說話甚有同感，遭人話柄，有如豬一般嘅隊友。
|
湊仔男神（自動當選）
| |
謝西（傑賀蘭德斯飾）
靚仔有型兼body fit爆嘅寡佬男神，每朝湊女返學都令一眾C奶雙眼發光。無論係曳曳媽陣營抑或完美媽陣營都對佢虎視眈眈，充滿遐想。但原來佢一早對某位靚媽情有獨鍾。
| |
第４章： 重要事項
靈感來自賢妻 賣座男編導挑戰女人戲 向現代靚太致敬
見到片名同海報，就知道《C奶同學會》是一齣女人戲，但觀眾肯定想不到，此片竟出自兩位男性編劇兼導演鍾魯卡斯（Jon Lucas）及史葛摩亞（Scott Moore）之手。兩人自1999年成為編劇拍檔，2009年的作品《醉爆伴郎團》（The Hangover）全球票房勁收4.67億美元，成為史上最賣座限制級喜劇，更贏得金球獎最佳電影，令他們一躍登上荷里活賣座編劇之列。難怪主角米娜古妮絲收到劇本時也大表驚訝：「睇劇本時還以為是女人寫的，但跟鍾同史葛傾談過後，就知道此片是要向他們的妻子致敬。」原來電影製作人的身份以外，二人還有丈夫和父親兩重身份，而本片的靈感亦正正來自於他們的家庭。史葛說：「我們在家寫劇本時，看到妻子整天忙東忙西，湊仔放學、煮飯等等，壓力大得很，當中甚具戲劇性，亦提供了富豐的喜劇材料。」鍾也補充說：「身為爸爸，我們的角色其實跟媽媽相似，但有很多壓力是爸爸毋須面對的，我們就是想深入其中探看。」所以別以為《C奶同學會》只是拍給C奶看，做人老公、做人爸爸、做人仔女的，更加要看看，看完就知道家裡的那個C奶從來都不易做。
再發現友情可貴 Ｃ奶生活從新出發
米娜古妮絲在片中飾演的角色叫亞美，是一個忙得不開交的在職媽媽。像許多香港的媽媽一樣，她每天除了要返工賺錢外，還要湊仔女返學放學、買餸、煮飯、放狗……種種做媽媽的責任令她忙到根本沒法認識朋友，沒法進行社交活動，彷彿與世界隔絕，但她從來沒有察覺到自己缺乏的原來是朋友。所以，後來與宅女C奶奇奇和單親辣媽卡拉相遇，她便能馬上放鬆過來，只做自己想做的事。飾演奇奇的姬絲汀貝兒，已是兩個孩子的媽媽，她對此極有同感：「在剛成為媽媽的時候，你會忘記自己原來是女仔，還需要女性朋友。而這部電影的其中一個美麗之處，就是各位媽媽再次發現友情可貴。」
與Ｃ奶聯誼悟出大道理 不做完美媽 生活才完美
雖然家有嬌妻，但兩個大男人要貿貿然進入女人的世界並不容易。編劇兼導演鍾和史葛做資料搜集時，特地為許多媽媽舉行了多場晚宴聚會，從她們的口中得來了無數有趣的故事。鍾透露：「現實生活中，媽媽的對話不同於一般合家歡電影所見，而是有趣抵死好多倍，有時仲好三級，十分之兒童不宜。」這無疑就是媽媽的矛盾之處。儘管做媽媽的難處數之不盡，但一班靚太人前人後總要扮到一切輕而易舉，過得幸福快樂，實情是自欺欺人。電影所呈現出來的，就是這麼一個殘酷的現實。導演亦意識到，很多媽媽其實都會有相類似的經歷：「我個仔點點點」、「我老闆又點點點」，不過有苦只有自己知，很少人會將不快經歷分享出來，因為個個都很努力，想做一個絕世好媽。所以，導演希望藉電影向天下C奶致敬之餘，也希望她們能夠從中得到啟示，學會放鬆自己，活出自己。主角米娜古妮絲亦深明當中的道理，她解釋：「你想把一切做到完美，但忘記了亂七八糟的生活才是真正的生活。」
取材自真實生活 編導妻子靚媽主演齊度劇本
值得一提的是，劇本最初的讀者就是兩位編導的妻子。史葛表示：「觀眾之所以覺得片中的媽媽真實，全因我們取材自她們的真實生活。」兩位賢妻還幫他們做筆記、度橋，讓他們知道一位真正的媽媽會怎樣說話。巧合地，一班女主演同樣是已為人母的荷里活靚太。編導跟她們討論劇本時，她們亦會滔滔不絕，主動提出自己的經歷，讓編導將這些癲喪抵死情節融入劇本，將C奶最真實的一面表露出來。難怪觀眾會激讚她們演得生動活潑又自然投入，為電影生色不少。
小演員說出大道理 完美媽定曳曳媽？
在競爭激烈的香港，「輸在起跑線」、「贏在子宮裏」、「贏在射精前」、「怪獸家長」等說法已成為全城熱話。每個成長階段的小朋友都面對很多壓力，小學未到已被逼上各式各樣的興趣班，為求入讀好中學又要日操夜操，為求入大學又要日補夜補……我們的孩子彷彿沒有多少話語權，沒有孩子應有的生活。是不是安排好一切就是為仔女好，就是個好媽媽呢？飾演亞美女兒的小演員奧娜羅倫斯（Oona Laurence）這樣說:「我覺得無論她的孩子想做醫生還是演員，完美媽都會非常支持。她還會給子女最健康美味的食物。」飾演她弟弟的安志安東尼（Emjay Anthony）也表示，完美媽會買很多雪糕、糖果同牛扒給子女。孩子本來就應該天真可愛，又有幾多家長明白這點純真的難能可貴？被問到怎樣算是曳曳媽時，兩人亦甚有見解，奧娜說：「曳曳媽會讓子女做任何想做的事；某程度上這是好的，但必須要作出引導才行。」所謂童言無忌，連13歲小孩也知道「平衡」的道理，壓力過大的完美靚太又是否應該為仔女、為自己好好想一想？
第５章：幕前會員簡介
米娜古妮絲Mila Kunis
荷里活演技派性感女星，在影視兩界皆炙手可熱。生於烏克蘭猶太家庭，年幼時隨家人移民美國。兩年前為男星艾斯頓古查（Ashton Kutcher）誕下女兒，加入性感辣媽行列，去年正式結婚。兩人早年曾在情景喜劇《That '70s Show》中合作，她亦憑該劇獲得多項年輕演員獎。《C奶同學會》是她誕女後首部電影作品，對上一部主演作品為《22世紀殺人網絡》（Matrix）系列著名導演華高斯基（The Wachowski）姊妹的《木昇戰記》（Jupiter Ascending）；最為人驚艷的作品莫過於2010年與金像影后妮坦莉寶雯（Natalie Portman）合演的《黑天鵝》（Black Swan），此片為她贏得包括金球獎在內的多個女配角獎提名，備受注目。2013年榮登英國男士雜誌《FHM》全球百大性感美女排行榜榜首。其他演出電影如《賤熊》（Ted）、《戀搞好朋友》（Friends With Benefits）等亦極受歡迎。
姬絲汀貝兒Kristen Bell
荷里活人氣女星，影視兩棲；身形嬌小玲瓏，堪稱可愛教主；與導演戴斯薛柏（Dax Shepard）育有兩女。近年作品大受觀眾歡迎，片約不斷。在風靡一時的美劇《花邊教主》（Gossip Girl）中，聲演刻薄抵死的主題人物「花邊教主」，表現備受讚賞，為人樂道。近年演出的電影作品包括《惡魔波士》（The Boss）、《神探小天后》（Veronica Mars）、《羅馬假期》（When In Rome）、《奪命狂呼4》（Scream 4）、《極速快閃》（Hit & Run）等。聲演作品包括兩部全球勁賣座迪士尼動畫電影：《優獸大都會》（Zootopia）及《魔雪奇緣》（Frozen），兩者分別為電影史上最高票房收入的第24名及第9名。此外，早年曾參與舞台劇演出；亦有為多部電視動畫及電子遊戲配音。
嘉芙蓮漢恩Kathryn Hahn
荷里活當紅喜劇女星，好戲綠葉王，影視兩棲，與演員Ethan Sandler育有一子一女。充滿喜感的表情和動作，讓她獲得不少令人難忘的喜劇角色，與多位喜劇大師合作，演出喜劇作品包括奧雲韋遜（Owen Wilson）主演的《風月笑膠人》（She's Funny That Way）、賓史迪拿（Ben Stiller）主演的《發夢王大歷險》（The Secret Life of Walter Mitty）、《名瞞戇族》（We're the Millers）、韋爾法路（Will Ferrell）主演的《搶閘男主播》（Anchorman: The Legend of Ron Burgundy）等。其他演出作品如新片《Captain Fantastic》、《凶訪》（The Visit）、《明日世界》（Tomorrowland）、《愛在頭七天》（This Is Where I Leave You）、《浮生路》（Revolutionary Road）。2013年憑得獎獨立電影《午後樂事》（Afternoon Delight）在辛丹斯電影節中獲得突破演員獎提名。電視劇作品如金球獎最佳喜劇《Transparent》、《天涯小築》（Parks and Recreation）等。影視作品以外，她亦有參演百老匯戲劇，包括東尼獎獲獎經典劇作《波音波音》（Boeing-Boeing）。
姬絲汀娜艾普姬Christina Applegate
荷里活魅力女星，涉足電影、電視、舞台劇三界，演技備受肯定，亦是電視監製。與前夫育有一女；2008年確診乳癌，後憑堅毅樂觀性格成功抗癌，翌年更榮登美國《人物》（People）雜誌百大靚人榜榜首，成為封面女郎，及後成立基金會幫助女性對抗乳癌。2004年憑情景喜劇《老友記》（Friends）獲得艾美獎最佳客串女演員獎。2005年憑百老匯經典作品《Sweet Charity》提名東尼獎最佳音樂劇女主角。2008及2009年分別兩度憑另一情景喜劇《花姐貴姓》（Samantha Who?）提名金球獎及艾美獎喜劇類視后。電影作品有《親子樂膠遊》（Vacation）、《搶閘男主播》（Anchorman）系列、《偷食通行證》（Hall Pass）、《光豬鼓神》（The Rocker）、《頭等俏佳人》（View from the Top）、聲演的《花鼠明星俱樂部：開心大唱遊》（Alvin and the Chipmunks: The Road Chip）系列等。
珍達娉琦史密夫Jada Pinkett Smith
荷里活多才多藝女星，身兼演員、創作歌手、電影監製、導演、作家等多職，是賣座巨星韋史密夫（Will Smith）之妻，育有一子一女。1990年客串情境喜劇《True Colors》出道，隨後又演出老牌諧星標哥士比（Bill Cosby）監製的知名美劇《A Different World》，最新電視劇作品為講述蝙蝠俠前傳的《葛咸城》（Gotham）。1993年出演首部電影《Menace II Society》，之後與喜劇天王愛迪梅菲（Eddie Murphy）合演《肥佬教授》（The Nutty Professor）。其他演出作品包括韋史密夫主演的傳記電影《Ali》、《奪命狂呼2》（Sream 2）、《廿二世紀殺人網絡》（The Matrix）系列、夢工場動畫《馬達加斯加》（Madagascar）系列、《巨揪舞壯士》（Magic Mike XXL）、自編自導的《The Human Contract》等。
安妮馬慕露Annie Mumolo
荷里活意大利裔演員、編劇及監製，育有一子一女。2011年橫掃全球票房近2.9億美元的金球獎最佳電影提名《最爆伴娘團》（Bridesmaids），正是她首次擔任電影編劇的作品。她與拍檔兼主演姬絲汀慧（Kristen Wiig）亦憑此獲得金像獎、英國BAFTA最佳原創劇本獎等多個提名。此外，由金像影后珍妮花羅倫絲（Jennifer Lawrence）主演的《歡姐當自強》（Joy）亦是出自其手筆，該片同樣獲得金像及金球獎評審青睞，珍妮花更憑此拿下金球獎影后。出演電影作品包括《惡魔波士》（The Boss）、《午後樂事》（Afternoon Delight）、《40惑不惑》（This is 40）、《最爆伴娘團》等。電視作品如《非關男孩》（About a Boy）、《Transparent》等。
傑賀蘭德斯Jay Hernandez
荷里活拉丁美裔魅力型男。乘搭升降機時被星探意外發掘，因而進入娛樂圈。早年多在電視劇集中演出，近年更在多部知名美劇中亮相，如《黑白無間道》（Gang Related）、金球提名美劇《鄉謠天后鬥》（Nashville）、金牌製作人艾布斯（J.J. Abrams）的《6ﾟ接觸》（Six Degrees）等。2001年與前「蜘蛛女」姬絲頓丹絲（Kirsten Dunst）合演《叛逆最美麗》（Crazy/Beautiful），獲得美國拉丁美裔媒體藝術獎（ALMA Award）最傑出演員獎提名，開始受到注目。其後片約增加，演出電影如《心靈投手》（The Rookie）、《勝利之光》（Friday Night Lights）等。2005年主演鬼才導演伊利羅夫（Eli Roth）的恐怖片《旅舍》（Hostel），叫好叫座，兩年後再演續集《旅舍2》（Hostel: Part II）。其他演出電影作品包括最近大熱的《自殺特攻：超能暴隊》（Suicide Squad）、
《死亡直播》（Quarantine）、《偷天搶地》（Takers）、《軍犬麥斯》（Max）等。
幕後會員簡介
編劇／導演：鍾魯卡斯Jon Lucas、史葛摩亞Scott Moore
荷里活賣座編劇、導演、監製。兩人在1999年成為工作拍檔，聯手創作出多部賣座喜劇，其中最為人熟悉的編劇作品為2009年的《醉爆伴郎團》（The Hangover）。該片叫好叫座，全球票房勁收4.67億美元，成為史上最賣座限制級喜劇，更贏得金球獎最佳電影，也讓二人獲得英國BAFTA最佳原創劇本獎提名。連同其後的兩部續集，整個系列橫掃全球票房14億美元，空前賣座。其他編劇作品包括《21成人鳥》（21 & Over）、《我們的大鑊假期》（Four Christmases）、《死鬼女友搵上門》（Ghosts of Girlfriends Past）等。2013年兩人創作出他們首部電視喜劇《一夜尋情記》（Mixology），翌年在美國ABC頻道播放。
監製：蘇珊娜陶德Suzanne Todd
荷里活賣座監製。她擁有自己的製作公司Team Todd，監製過的電影作品全球票房超過25億，亦獲得過不少電影獎提名，如金像獎、金球獎、艾美獎等。監製作品包括《愛麗絲夢遊仙境》（Alice in Wonderland）系列、《戀愛心曲》（Across the Universe）、《至Out特務In嬌娃》（Austin Powers: International Man of Mystery）系列、《凶心人》（Memento）等。
監製：標布洛克Bill Block
荷里活獨立電影監製，曾與多位荷里活巨星合作。作品包括羅拔迪尼路（Robert De Nero）主演的《Party冇限耆》（Dirty Grandpa）、畢比特（Brad Pitt）主演的《戰逆豪情》（Fury）、麥迪文（Matt Damon）主演的《極樂帝國2154》（Elysium）、獲4項金像提名的《D-9異形禁區》（District 9）、湯告魯斯（Tom Cruise）主演的《魂離情外天》（Vanilla Sky）等。
上映日期：2016年9月8日
導演：鍾魯卡斯、史葛摩亞
演員：米娜古妮絲、姬絲汀貝兒、姬絲汀娜艾普姬、嘉芙蓮漢恩
級別：IIB
片長：101分鐘
片長：101分鐘
片種：喜劇
沒有留言:
張貼留言