《戇Scout打爆喪屍城》Scouts Guide to the Zombie Apocalypse超市擸架生 自創武器過N關 實戰當打機

《戇Scout打爆喪屍城》Scouts Guide to the Zombie Apocalypse

超市擸架生  自創武器過N關  實戰當打機  ！
今年萬聖節  3條膠友玩轉喪屍城
後 生仔邊個唔鍾意玩？童子軍都唔例外！咪以為佢哋淨係識考章，原來打起喪屍一樣有板有眼！屢獲新演員獎提名嘅19歲荷里活亮眼新星泰謝爾丹（Tye Sheridan）率領一班年輕演員玩轉喪屍城，由避走大街橫衝直撞，到誤闖小屋困屍鬥；由驚爆差館手震自拍，到自創武器橫掃狂野派對；大小驚嚇場面緊 湊，面臨大難仍不時大放笑彈。之前參與多部大片如：《心蹤罪》（Dark Places）、《生命樹》（The Tree of Life）演出嘅泰謝爾丹，今次飾演一個童軍，為咗逃出喪屍城，救回自己心儀女神，聯同兩個戇Scout死黨施展渾身童軍技能，到超市擸齊電鋸、鐵釘、扇 頁、汽油…自製創意武器，實行硬膠救地球。

《午夜來嚇》系列(Paranormal Activity)億萬美元編劇基斯杜化蘭登(Christopher Landon)今次親自執導，變本加厲發揮嚇人本色；仲有《變形金剛》(Transformers)系列視覺特效精英創新嚇破膽方程式，《戇Scout打 爆喪屍城》(Scouts Guide to the Zombie Apocalypse)勢要嚇到你彈起，笑到你飛起！
警告：喪屍出沒注意！　去露營要做足準備！

內容故事

三 個童子軍Carter、Ben、Augie老友鬼鬼約埋去露營。Carter同Ben趁Augie熟睡，想偷偷竄去狂野派對。途經夜店，兩人好奇闖入，諗 住大開眼界；點知脫衣舞孃突然撲向兩人噬咬，更遭大群喪屍瘋狂追殺！兩人走到差館避難，反而被喪屍群起包圍。大難臨頭之際，好在Augie及時趕到救命， 三人死裡逃生，發現全城已經喪屍化！為了全身而退及救回城內僅餘人類，三個戇Scout勇字當頭，決意施展童子軍求生技能，同喪屍玩鋪勁！
Trailer:

http://youtu.be/NM2iohK7lS0