仲係佢地?「最佳愛情」獨孤真教大家當男藝人女友要面對過千過萬的奶奶!

>>仲係佢地?
無法，因為故事實在精彩!
男人如何令女人乖乖聽話?
身為完美男人，獨孤真為了留住深愛女人，唔係送十卡鑽石。
而係在cheap cheap電視節目中，由玩遊戲當中，更紅更靚的女藝人都唔要，親口講眼中只有女主角。
嘩，邊個女仔唔死!
當然，在千夫所指，失去十幾個廣告又被fans埋怨走人，連進軍康城的機會都放棄。
嘩~難怪呢套片在韓國大收，應是所有女人都會鍾意。
古仔入面形容，男藝人的女人，fans就好似男人的阿媽，亦即奶奶一樣，會用盡方法去挑剔排斥。
最慘是男藝人的fans有男有女，如有過千fans，男好女好都會好似奶奶咁批評男藝人的女人。
即無形中有過千位奶奶
大家明白，為何男藝人都要將戀情潛水。
如天王巨星仲慘，幾千幾萬幾十萬個阿媽。
你話，有幾十萬個阿媽，有幾得人驚!
有藝人爆料，又有女人夢寐以求的愛情故事。
當然，這是以七十後之前的女人想法，八十九十後者，又當別論。
難怪我愛少女漫畫~舊故事，新故事BL沒法接受。
唔明睇住美男子互愛有何感動。
我，確是老餅一名，都係這種現實罕有的愛情故事，最打動人心!
唉，為何愛情不可以簡單一d?!