>>並實套戲個名好貼題，只係一般人視為粗話。
因為像香港人的粗話?
人人都係為了個「銀」字而搏命。
如果用無錢用又唔夠搶。
>>另一貼題，是打工者要搵錢，老細一樣要，而且好人唔夠仲要同家姐爭產，係味估唔到?
從來做人唔易，打工要為份工，部門主管要為職位。
上司要討好同事下屬，發脾氣都唔得。
總之為要補鑊，一樣慘過人。
為大家有雙糧，老細要取私人財產補數。
上司離婚都係唔好比人知。
總之大有大慘細有細慘。
聖誕節對大家來說，要瘋都要因人而異。
你話係咪好貼題?
>>人人也瘋了，當然不鼓勵。
但想說是，很多人也想炸了不合心意的公司?
只是，人人也想合心意，那如何才是一間公司?
理得?聖誕快樂才最重要?
總之意外的貼合司及工作人想要的聖誕。
炸了公司?唔好啦~
炸了邊有雙糧~
你明既!
2016聖誕最應節之爆笑傑作
大膽好玩兼過癮 癲喪PARTY勁繽紛
史上最賣座限制級喜劇、橫掃全球票房14億美元嘅《醉爆伴郎團》（The
Hangover）系列搞鬼編劇拍檔鍾魯卡斯（Jon Lucas）同史葛摩亞（Scott
Moore），一連三集玩完伴郎團後，前排又喺《C奶同學會》（Bad Moms）為
壓力爆煲嘅靚太解開種種束縛，等佢哋嚟個自由大解放。開完學冇耐，轉個頭
就到聖誕，一向鬼主意多多嘅佢哋，當然要搵啲嘢玩下啦！今次佢哋搵埋另一
pair攞過金像提名嘅短片導演拍檔祖殊哥頓（Josh Gordon）同韋斯柏（Will
Speck），加埋《權力遊戲》（Game of Thrones）艾美獎監製佳文嘉沙迪
（Guymon Casady）聯手玩串個party！
《醉爆伴郎團》搞嘢編劇 《呢班波士仲抵死》爆笑組合
荷里活喜劇群星賀聖誕
開party當然要人多先好玩，之但係公司生意唔多掂喎，仲點玩得過癮呀？你以
為啦！一話有嘢玩，個個即刻開行晒party mode，要幾癲有幾癲，要幾喪有幾喪
！唱歌跳舞好基本，啪丸隊酒都係濕濕碎，剝衫剝褲搞埋女同事，你都咪話小
意思！連《呢班波士仲抵死》（Horrible Bosses 2）爆笑組合──金球視帝積遜
比曼（Jason Bateman）同視后珍妮花安妮絲頓（Jennifer Aniston）都嚟踩場鬥
戲，唔知又會搞出咩大頭佛呢？仲有《變種特攻：天啟滅世戰》（X-Men:
Apocalypse）索女奧莉花美恩（Olivia Munn）、《死侍：不死現身
》（Deadpool）T.J.米拿（T.J. Miller）、《捉鬼敢死隊》（Ghostbusters）姬蒂麥
潔諾（Kate McKinnon）……一班數唔晒嘅好同事，同你玩轉聖誕節！
火雞照食舞照跳 搲銀救亡出奇招
分公司生意不濟，暫代CEO嘉露（珍妮花安妮絲頓 飾）落柯打話再無起色就要
關門大吉。眼見同事士氣低沉，擔心份工不保，嘉露細佬、分公司經理奇利
（T.J.米拿 飾）度出一條絕世撲水好橋。佢搵埋得力下屬佐舒（積遜比曼 飾）
同翠詩（奧莉花美恩 飾）喺公司搞番個盛大嘅聖誕party，仲叫咗潛在大客華特
（考特尼萬斯 飾）一齊狂歡，話唔定飲飽食醉吹夠水，生意就會自動上門。點
知人算不如天算，一切出乎意料之外……
無分職位等級 公司派對玩乜都得？
聖誕節係個普天同慶嘅日子，有人鍾意擦餐勁，有人鍾意同朋友聚下舊飲番夠
本，有人鍾意出街睇燈飾感受節日氣氛，無論情侶定屋企人，朋友定同事，都
總有大大小小嘅聖誕party慶祝一番。你又試過玩到幾癲，去到幾盡？未癲過？
不如參考下《今個聖誕無銀用》，睇下佢哋示範點玩先最爽！
之但係，喺公司搞派對又可以去到幾盡呢？頂多咪飲飲食食，同同事吹番兩嘴
，再嚟交換禮物或者大抽獎，得咗。好文明，好克制，完全唔使擔心會醉酒鬧
事，唔覺意摸咗隔離女同事個胸，搞到自己冇咗份工。不過導演祖殊哥頓同韋
斯柏好似唔係咁睇，佢哋覺得聖誕聯歡係應該無分職位等級，由食物鏈嘅最高
層去到最低層，人人平等不分彼此，開開心心玩咗先講！主角之一嘅T.J.米拿仲
話：「辦公室聖誕派對應該要放肆一啲，唔怕同老細講真話而俾人炒。」嘩，
咁開明嘅老細睇怕都要去戲院搵。
瘋狂打破舊規矩 究竟係狂歡定撲水？
監製佳文嘉沙迪透露，佢屋企人曾經出席一個頹喪嘅公司聖誕派對，完全係兒
童不宜，而呢個親身經歷正係電影嘅靈感來源。「喺電影裡面見到嗰種凌亂不
堪嘅景象會令人好興奮激動。情況可以完全失控，不按常理，但重點係你冇需
要擔心會有後果，亦都唔使晨早起身清理一片狼藉。」正所謂「香港人最鍾意
睇人X街」，咪就係咁解囉。除咗呢啲刺激抵死、離晒大譜嘅元素，當然亦有
真實貼地嘅情節，話唔定你都曾經經歷過。一間公司入面，人人職位唔同，性
格唔同，大家扮演嘅角色都唔同：有人好有領導才能，有人認真扮工，有人鍾
意搞爛gag，有人斤斤計較，有人笑而不語……每個同事都有獨特嘅故事。而監
製就係想睇呢team騎呢嘅人點樣喺萬眾齊歡嘅一夜，亦都係撲水救亡嘅一夜，
瘋狂咁打破辦公室規矩，連成一線共度時艱。
搞笑對白多到離譜 金球組合火花無數
演員嘅表現係喜劇裡頭尤其重要，因為好多時都要靠豐富表情去撐起搞笑對白。本片對白多達1800幾句，搞笑金句多不勝數，每位主演都將佢哋嘅喜劇細胞發揮到淋漓盡致。而本片最為人熟悉嘅演員，當然係兩大男女主角，積遜比曼同珍妮花安妮絲頓。呢對金球獎視帝視后
組合，拍過唔少賣座喜劇，今次更係二人第五度合作，亦係繼《精求有情人》（The
Switch）後再同本片導演合作，可謂默契十足。另一監製Stuber直言：「珍妮花同積遜係好好朋友。佢哋喺鏡頭前後都成日見面相處，所以鬥戲時好有火花。佢哋嘅演出自在流暢，奠定咗整個幕前演出嘅基調。」
珍妮花安妮絲頓化身潑辣CEO 恰死騎呢細佬
積遜比曼喺片中飾演科技公司嘅技術總監，係公司嘅靈魂人物，不但審慎穩重，仲好識得隨機應變。導演祖殊哥頓就大讚，拍慣喜劇嘅積遜容易進入最佳狀態，拍搞笑戲冇難度。一向性感甜美嘅珍妮花安妮絲頓則化身商界女強人，飾演CEO，為咗公司利益，強勢管理細佬打理嘅分部，極受員工憎厭。導演稱：「我哋為珍妮花創造呢個角色，係因為佢完全唔怕喺喜劇中演一個唔受歡迎嘅角色。對佢嚟講，愈大膽愈好。」
喜劇演員愛爆肚
另一位戲份甚多、表現亮眼嘅嘅喜劇演員T.J.米拿亦對兩位前輩大笠高帽：「佢哋令人覺得好溫暖，又好專業，好照顧我呢類資歷較淺嘅演員。」監製仲話戲入面個個喜劇演員都好出色，完全冇被劇本限制。「佢哋真係好有天份，只要佢哋一有搞笑嘅靈感，我哋都會畀自由佢哋嚟多一take，令後期製作有好多好正嘅材料可以玩。」
先腦達公司人事簡介
佐舒（積遜比曼 飾）
技術總監、公司靈魂人物，做事審慎穩重，又識得隨機應變，往往能夠喺危急關頭穩住軍心，受人尊重。今次無計可施之下，被迫舉行奇蹟撲水派對。
嘉露（珍妮花安妮絲頓 飾）
暫代CEO，處事作風凌厲，只為公司利益著想，少理員工感受，連聖誕派對都唔畀搞，勢要搞冧細佬奇利打理嘅分公司。
奇利（T.J.米拿 飾）
分公司掛名經理，名副其實嘅富二代；諗法騎呢，終日只顧打機同發白日夢，搞到生意不濟，仲話要喺公司大搞派對為救亡。
翠詩（奧莉花美恩 飾）
首席系統工程師，為人率直爽快，醉心於開發全新網絡技術，對上司佐舒甚有好感。
瑪莉（姬蒂麥潔諾 飾）
人事部阿頭，做事認真，勢要同事遵守公司每一條規矩。
華特（考特尼萬斯 飾）
公司潛在大客，本身對先腦達觀感麻麻，但唔知點解喺聖誕聯歡會玩到癲晒。
演員簡介
積遜比曼Jason Bateman
荷里活一線男星、金球視帝，勤力多產，能演能導。入行逾30年，早期主要參與電視劇演出，2003年事業發展取得突破，在情景喜劇《發展受阻》（ArrestedDevelopment）中的演出備受注目，讓他贏得金球獎電視喜劇最佳男主角及艾美獎提名等榮譽，其後片約大增，在多部知名喜劇片演出，事業重心亦開始轉移至電影界。參演作品包括贏得金像獎最佳原創劇本等多個電影大獎的《Juno少女孕記》（Juno）、韋史密夫（Will Smith）主演的《街頭超人》（Hancock）、獲提名6項金像獎的《寡佬飛行日記》（Up In the Air）、《精求有情人》（The Switch）、《邊個波士唔抵死？》（Horrible Bosses）系列等。2013年再度出演
《發展受阻》，亦獲得金球獎及艾美獎喜劇視帝提名。近年電影作品包括《不能拆的禮密》（The Gift）、迪士尼超級賣座動畫片《優獸大都會》（Zootopia）。
珍妮花安妮絲頓Jennifer Aniston
荷里活一線女星、金球視后、電影監製，向來甜美性感。2000年曾與畢彼特結婚，堪稱荷里活金童玉女，惜至2005年宣告離婚。早年在外百老匯打滾，亦演過不少電影和電視角色。1994年憑劇集《老友記》（Friends）成為當紅女星，此劇亦為她贏得艾美獎及金球獎喜劇類視后等多個獎項。其後片約不斷，積極朝電影發展，延續甜美傻大姐的形象，演出許多膾炙人口的賣座喜劇片，如《情場算死草》（Along Came Polly）、《談情誘愛》（Rumor Has It）、《收錯愛情風》（He's Just Not That Into You）、《精求有情人》（The Switch）、《愛情大龍鳳》（Just Go with It）、《邊個波士唔抵死？》（Horrible Bosses）系列、《名瞞戇族》（We're the Millers）等。多年來曾6度獲得「美國觀眾票選獎」，粉絲眾多，今年早前更獲美國《人物》雜誌選為「全球最美女性」。
T.J.米拿T.J. Miller
荷里活賣座笑星，多才多藝，編劇、監製、配音、唱歌、棟篤笑皆是能手，曾被美國娛樂雜誌《Variety》譽為「十大必看的棟篤笑演員」之一。2014年曾聲演迪士尼金像動畫片《大英雄聯盟》（Big Hero 6），當年也有份演出特技鉅獻《變形金剛：殲滅世紀》（Transformers: Age of Extinction）。亦是史上最賣座限制級電影《死侍：不死現身》（Deadpool）及電視喜劇《矽谷群英》（SiliconValley）的主演之一。其他演出電影包括《末世凶煞》（Cloverfield）、《馴龍記》（How to Train Your Dragon）系列、《搖滾歲月》（Rock of Ages）、《煞破天劫》（Unstoppable）等。
奧莉花美恩Olivia Munn
荷里活上位混血女星，影視兩棲，曾任模特兒和電視台記者。2014年被《Variety》雜誌選為「年度突破女演員獎」得主。演出電影作品有近期的《變種特攻：天啟滅世戰》（X-Men: Apocalypse）、《辣更兄弟幫2》（Ride Along2）、《華麗怪盜》（Mortdecai）、《今‧猛‧夜》（Deliver Us fromEvil）、《光豬舞壯士》（Magic Mike）、《潮媽都市日記》（I Don't KnowHow She Does It）、《鐵甲奇俠2》（Iron Man 2）等。
姬蒂麥潔諾Kate McKinnon
荷里活喜劇女星，曾出演多部喜劇影視作品。之前兩年都憑長壽喜劇節目《週六夜現場》（Saturday Night Live）的演出獲得艾美獎提名，今年終得償所願獲得艾美獎喜劇類最出色女配角獎。2014年亦曾獲得美國喜劇大獎最佳電視女配角。她曾在《週六夜現場》扮演希拉莉、Justin Bieber等名人，入型入格，深受觀眾喜愛。演出電影作品包括《捉鬼敢死隊》（Ghostbusters）、《賤熊2》（Ted2），聲演作品有《海底奇兵2》（Finding Dory）、《憤怒鳥大電影》（TheAngry Birds Movie）等。
考特尼萬斯Courtney B. Vance
荷里活資深演員，入行超過30年，演出過多部著名影視作品，在電視、電影及舞台劇界都有成就。2013年曾獲東尼獎，今年早前亦憑《美國犯罪故事》（American Crime Story）的精湛演出獲得一項艾美獎最佳演員獎。電影作品有《未來戰士：創世智能》（Terminator Genisys）、《死神5來了》（FinalDestination 5）等。電視作品包括《醜聞風暴》（Scandal）、《國務危情》（State of Affairs）、《美麗心計》（Revenge）、 《仁心仁術
》（ER）、《律政風雲》（Law & Order）等。
幕後簡介
導演／監製：祖殊哥頓Josh Gordon、韋斯柏Will Speck
兩人相識於紐約大學電影學院，愛看同類型電影，志同道合，成為拍檔。早年剛畢業共同製作過一部喜劇短片《Culture》，兼任編劇和導演，獲得奧斯卡最佳短片提名。其後正式簽約成為商業導演，執導電影作品有《一代滑冰男》（Blades of Glory）、《精求有情人》（The Switch）及《今個聖誕無銀用》。
監製：佳文嘉沙迪Guymon Casady
他監製的大熱電視劇集《權力遊戲》（Game of Thrones）在過去六年都獲得艾美獎最佳劇集提名，並在2015及2016連續兩年拿下獎項。該劇亦是艾美獎史上獲獎最多的電視劇集。其他監製電影包括榮獲兩項金像獎提名的《時代教主：喬布斯》（Steve Jobs）、《愛情回春》（Hope Springs）、《轟天猛將》（TheExpendables）等。
原創故事：鍾魯卡斯Jon Lucas、史葛摩亞Scott Moore
荷里活賣座編劇、導演、監製。兩人在1999年成為工作拍檔，聯手創作出多部賣座喜劇，其中最為人熟悉的編劇作品為2009年的《醉爆伴郎團》（The Hangover）。該片叫好叫座，全球票房勁收4.67億美元，成為史上最賣座限制級喜劇，更贏得金球獎最佳電影，也讓二人獲得英國BAFTA最佳原創劇本獎提名。連同其後的兩部續集，整個系列橫掃全球票房14億美元，空前賣座。其他編劇作品包括《21成人鳥》（21 & Over）、《我們的大鑊假期》（Four
Christmases）、《死鬼女友搵上門》（Ghosts of Girlfriends Past）等。2013年兩人創作出他們首部電視喜劇《一夜尋情記》（Mixology），翌年在美國ABC頻道播放。
《今個聖誕無銀用》Office Christmas Party
籌旗過XMAS
Trailer : https://youtu.be/0UMH4_MuSew
沒有留言:
張貼留言